外域兴农

利是钱点使好?高登编辑部心水推介

大家有冇喺农曆新年期间疯狂拜年?今年收穫如何?即使你仲坚持未拆利是都唔紧要,我哋要为长远目标而做足準备,计划将来……点样使呢笔啱啱赚到嘅利是钱。究竟有乜产品或者大计值得动用咁重要嘅资金?各位不妨睇吓编辑们嘅建议,可能会搵到你嘅心水目标。蛇叔心水推介:Samsung Notebook 9 Always

外域兴农2020.06.19

利是钱点使好?高登编辑部心水推介

大家有冇喺农曆新年期间疯狂拜年?今年收穫如何?即使你仲坚持未拆利是都唔紧要,我哋要为长远目标而做足準备,计划将来……点样使呢笔啱啱赚到嘅利是钱。究竟有乜产品或者大计值得动用咁重要嘅资金?各位不妨睇吓编辑们嘅建议,可能会搵到你嘅心水目标。

蛇叔心水推介:

Samsung Notebook 9 Always
对于好似我咁成日要带部notebook出街做嘢,有得拣当然想拣部最轻,虽然上年先买咗部Asus Zenbook UX305CA,不过讲轻点都唔及三星部Notebook 9 Always,同样係13.3吋薄机,但佢重量只有799g,大约一部旧iPad嘅重量,而且仲轻过我部Asus成400g,讲真规格我唔太在乎,反正依家都係用紧Core m,不过佢另一个吸引我嘅卖点係可以用「尿袋」叉电,换言之唔使带火牛都能够保证有充足使用时间。

Zenfone 3 Zoom
唔经唔觉我部Galaxy K Zoom已经用咗两年,但可惜目前为止都未有一部相机手机睇得上眼,不过嚟紧Asus出部Zenfone Zoom后继型号,虽然冇咗真光学变焦,但换成两组唔同焦段镜头,拍摄用途上冇大影响,另一重点係主镜头将会加入之前Samsung旗舰手机先有嘅Dual Pixel对焦技术,对焦断估都唔会慢过两年前嘅K Zoom挂?不过讲到尾都要睇吓发布之后卖几钱先!

利是钱点使好?高登编辑部心水推介
◆ Samsung Notebook 9 Always利是钱点使好?高登编辑部心水推介
◆ Zenfone 3 Zoom

KM心水推介:

Fujifilm X-T20
笔者一直都好想入Fujifilm坑,嚿年年尾出嘅X-T2肯定係最好选择。不过一踏入2017年,Fujifilm公布咗部平成半嘅X-T20,呢部机同样有2400万像素,影相质素同X-T2可以话同级。对焦点同样有325点、EVF解像度同样236万像素、电子快门同样去到最高1/3200秒,以及同样拍摄到4K超清影片,虽然LCD解像度同埋EVF放大率比X-T2略低,但相差得好少、连拍速度亦只去到8fps,但机身更细更轻,性价比极高,最啱用嚟配搭Fujifilm自家高质轻便镜头,称得上係2017年初最值得留意嘅新相机。

LEGO Assembly Square 10255
LEGO好玩嘅地方係无论男女老幼都可以轻易砌到件似模似样嘅成品出嚟,耐要嘅只係耐性同埋对说明书嘅基本了解能力就得,唔使好高嘅技术同技巧。适逢今年Module House系列10週年,LEGO方面就推出咗呢套编号为10255嘅「Assembly Square」,係系列当中第一套内藏小休憩区嘅产品,由三幢细楼围绕住一个小游玩区,上面仲有个小型喷水池,所以佢亦係咁多套Module House当中「佔地」最多嘅一套,逐尺计都赢晒啦!砌好一套放喺枱头成个人感觉都轻鬆晒。

利是钱点使好?高登编辑部心水推介
◆ Fujifilm X-T20利是钱点使好?高登编辑部心水推介
◆ LEGO Assembly Square 10255

航仔心水推介:

任天堂Switch
唔少资深机迷都建议大家买主机买game最好就咪预订,因为单靠睇预告同宣传未免太易中伏。纵使任天堂Switch机能及不上另外两款主机,首发游戏阵容唔算强,不过呢架Hype Train威力实在太劲,净係sell一部机拆开两个手掣同朋友玩,手掣又支援体感,加上老任招牌作以及将部分经典游戏重製强化,已令一众机迷无法抵挡,而我就係其中一分子。

Withings Steel HR
智能錶一直未有取得成功,好大程度上係因为外形、电量、轻巧度及功能上做得不足,但Withings Steel HR属于少数交足货嘅作品,虽然佢唔似得Android Wear咁可以随意装app玩,但本身已内置活动监测、心率监测同手机提示等常用功能,并且沿用时尚手錶典雅设计,又唔会整到好大只好胶,最重要係手錶喺全面监测下电池使用时间长达25日,之后会自动转为省电模式,额外提供20日使用时间,同其他要隔日叉电嘅智能錶相比赢一大截。

利是钱点使好?高登编辑部心水推介
◆ 任天堂Switch利是钱点使好?高登编辑部心水推介
◆ Withings Steel HR

女汉子心水推介:

Audio Technica ATH-LS300
新年利是买咩好?笔者呢啲一日不听歌便觉形容枯槁嘅人,梗係买耳机同DAP。作为日系声爱好者,笔者一路係Audio Technica嘅忠实fans,IM系列香港未入货,未试过亦唔理冇保养越洋网购一对自用。上年年尾佢哋出咗全新LS系列去取替IM系列,强调还原临场,仲话改善咗佩戴感(IM真係好难戴),当中笔者会推荐ATH-LS300,三动铁单元、made in Japan,近日香港陆续有水货抵达,价位$2,500左右,同笔者一样係死忠嘅谂谂佢。

Onkyo DP-X1A
DAP日本牌子最新到货嘅就有Onkyo DP-X1A,係DP-X1升级版,採用S800处理器,储存空间提升至64GB,插多两张200GB SDXC变464GB都得。内部以双ES9018K2M DAC晶片解码,配合双SABRE 9601K耳扩晶片,并且改用发烧级电容,供电更稳定,播到DSD256、24bit/384kH PCM(数码输出)、MQA。行货价做紧$5,499。戴定头盔,笔者冇叫你两样一齐买,唔知两部夹唔夹㗎。

利是钱点使好?高登编辑部心水推介
◆ Onkyo DP-X1A利是钱点使好?高登编辑部心水推介
◆ Audio Technica ATH-LS300

肥SO心水推介:

买定机票飞日本
话咁快新年过咗几日是时候结算吓,基于毒拎唔去拜年其实都係得老豆同老母两封利是,一人一千总共回赠二千。两千蚊话多唔多话少唔少用嚟做咩好?今年毒雾袭港,揸住些少钱,飞日本出走旅行呼吸吓优质空气是常识吧。平机票永远唔够人抢、咩二人同行优惠更加伤透毒拎心,好彩埃塞俄比亚航空出咗个优惠,圣诞飞东京来回连税$2,016,包圣诞飞机餐同45kg寄舱行李!咩话?圣诞重有十九几个月使乜咁早买?其实明知到时都係一个人过㗎啦,况且呢个价钱有得旺季飞重要搭埃航真係几过瘾,传说若然番香港唔记得落机,会飞你埋番去埃塞俄比亚添。

利是钱点使好?高登编辑部心水推介

CHing心水推介:

去焱丸水产食餐劲
尖沙咀焱丸水产内笼设计有日本feel,唔係刻意扮到好似居酒屋,可以带埋女朋友入去,一定畀到惊喜佢。焱丸水产最出名係甲罗烧,即係蟹壳烧,二人share一个炭火炉,放个充满蟹膏嘅壳上去,面头再打只鹌鹑蛋,一边同条女品嚐该店特製嘅烧酌一边闻住蟹膏受热逼出嚟嘅燻香味,即时食慾大增。之后再叫几盘带子、生蚝、蛤蜊、多春鱼慢慢烧,唔啱再叫多盘鱼生,埋单最后千零左右,除开都係五百几六百有找,有利是钱垫住,冇咁心痛[sosad]。

利申:冇女友

利是钱点使好?高登编辑部心水推介

Jayden心水推介:

PSVR 
听完亲戚闲言闲语,收埋利是钱之后,我呢啲毒撚就梗係买返部VR嚟避世啦,游戏入面唔洗理人点睇,锺意做乜就做乜,不知几爽。PSVR胜在唔使买部贵电脑,一插即用唔使烦,而家仲有只《生化危机7》拍住上,我惊玩到唔想返工。

利是钱点使好?高登编辑部心水推介

上一篇: 下一篇:

相关阅读

猜你喜欢